طلبية شهر مارس ~ جربت اشتري موالح يابانية و كان طعمها؟؟

وأخيراً وصلت طلبيتي من هيكاري ~~

(التغليف يقطر ل ط ا ف ة ❤❤❤)

أول شي حابة أشكر توفي على ذا الموقع اللي يبرد الخاطر و من انسانة ثقة (ومعتمد من وزارة التجارة)

من زمان ودي اشتري حلويات وشيبسات يابانية بس للأسف المواقع الاجنبية ما تكتب المكونات و لو كتبت ما يكون لكل الأغراض

وعن نفسي صراحة ما تقبلت فكرة الشراء من تاجرات الانستقرام بالذات ناس ما أعرفهم ولا أعرف أحد جربهم لكن الحمدلله صار عندنا موقع نقدر نشتري منه و الاسعار واضحة فيه (وحطوا مليون خط على واضحة لأن وشو أسواء من انك تطلب و تتحمس و يجي الشحن مبالغ فيه؟؟

اسعار توفي بين و بين في عندها اشياء اسعارها حلوة و فيه اشياءغالية بس اتوقع السبب يرجع لغلاء اليابان بشكل عام والشحن منها

نجي لطلبيتي ~

اعواد البطاطا الحلوة (يمين): من اسمها فهي عيدان حالية و هذا شي طبيعي نظرا لانها من البطاطا الحلوة، طعمها جيد لكن اذا كنت من الاساس تكره البطاطا الحلوة فما انصحك فيها

اعواد الزيتون و الريحان (يسار): مررره لذيذة و اكثر طلب عجبني و راح اشتريه مره ثانيه، اختي تقول طعمها زي خبز الثوم بس اطعم اكيد (هي الشي الوحيد اللي العايلة كلها تقبلته ههههههه)

شبس الفاصوليا (يمين): الشي اللي محد تقبله، طعم الفاصوليا فيه قوي جدا جدا جدا، لما رحت كوميك كون الكويت كان فيه كشك يبيع أكل ياباني ومن بينها فاصوليا مسلوقه مع ملح وصوص الصويا وكانت لذيذة فشريت الشيبس قلت يمكن نفس الطعم لكن انصدمت و تحطمت (لا أنصح فيه على الإطلاق)

بسكوت جبنة الشيدر (النص): جيدة و طعم جبنة التشدر قوي فيها اذا كنت من عشاق الجبن انصحك فيها

عيدان بالليمون و الفلفل (يسار): عيدان بدون نكهة، الطعم حقها ضعيف جدا جدا جدا (اليابان يا نكهات قوية يا معدمومة مافي وسط؟؟) ما نصح فيه صراحة

هذا الشي انتوا تصنعونه بنفسكم، حاطين لكم كل شي تحتاجونه داخل من ملعقة وصحون،تقدروا تسووا تاياكي (السمكة داخلها شوكولاتة) + دانجو + موتشي + مشروب غازي (تخيلوا حتى المشروب انتوا تسونه)، صراحة كانت تجربة ممتعة (ولو انها طفولية + جبت العيد فيها) الشي الوحيد اللي مستغربة منه انه التاياكي كان لازم ينحط بالفرن بس كيف و صحونهم بلاستك!! انا ماسويته للامانة + الطعم عادي بس التجربة حلوة

هذا الشي لحد يقرب منه، شفت وحد في اليوتوب تمدحه فقلت اجربه (هل كانت فعلاً تمدحه ولا أتوهم؟) ماحبيته صراحة مع او بدون الحليب، جربت احط شوي منه مو الظرف كامل و هم ما عجبني (أحس كأنه شاي احمر و شاي اخضر اتحاد الطاقة؟) عاد لما حطيت صورته في تويتر بنات قالوا لي الماتشا حلو (بس ما كان ذا النوع) فا يمكن اجرب نوع ثاني بعدين.

مجموع الأغراض 133 ريال

أخذ الطلب اسبوعين

هل بشتري منها مره ثانية؟ اكيد طبعاً اصلا كل يوم افتح موقعها و اشوف الاشياء الجديدة من كثر ما انا متحمسه له

بأذن الله المره الجايه حله مع عيدان الزيتون و الريحان *حرفياً وقعت في حبها*