أهداف سنة 1438 (2017)♥

السلام عليكم و رحمة الله و بركاته

هيا الجديدة ترحب بكم ( ´ ▽ ` )ノ

الحمدلله أنا وحدة تحب تستفيد من وقتها دايم وايجابية والريح ما تهزها

بس لكل أنسان نقاط ضعف واكبر نقاط ضعفي هي

التشوكولت

اي شي فيه شوكولاته ما اقاومه فا قررت اتركه لكن أولاً خليني اتكلم عن أهدافي الثانيه

1- حياة صحية

حياة صحية من نواحي عديدة (غذاء و جسد و تفكير و عمل و كل شي )

من قبل اسبوعين بديت دايت لكنه مو عشان انقص وزني قد ماهو عشان الحياة الصحية اللي ابغاها

استبدلت نقطة ضعفي بشي افيد وهو الدارك تشوكولت

هو من زمان احبه لكن الحين لو اشتهي ما راح اكل الا هو

اوالتشوكلت اللي بدون سكر

شي ثاني من خلال بحثي عن وصفات صحيه اكتشفت انه اي شي غير صحي له بديل صحي

و بما اني من عشاق البراوني فطحت على وصفة صحية تاخذ العقل خلتني احس اني راح اقدر اكمل هذي الستايل الجديد بالحياة بدون مشاكل

ايش احلى من انك تاكلي براوني كل يوم ولا تسمنين

لا بالعكس انت قاعده تفيدي جسمك لانه يتكون من شوفان و زيت جوز الهند و دارك تشوكولت

شي ثاني اللي هو السموذي

أنا وحدة ما احب اقطع فواكه و اكلهم حبه حبه فا احطهم كلهم بالخلاط اسهل لي

السموذي حاجه احبها ومن زمان اسويها بس اكلي الملخبط و الغير صحي غطى على فايدته

اما الحين صرت احس بفايدته لان اكلي صار افضل بكثير

(على فكرة خلال اسبوعين بس، ناس لاحظت اني نحفت و كل هذا بدون حرمان يذكر)

طبعا للامانه اعترف انه فيه يوم اوف مع اني ضد الفكره بس ساعات اهلك يشتهون شي و يبونك معهم بس احاول ما امصخها

 وسويت قروب مع صديقتي زي قروبي الياباني عشان نحمس بعض

(صدق ما يحمس الا القروبات xD)

الرياضة للاسف ما لقيت لها وقت في يومي لحد الان مع اني مره ابغى ادخلها بس وقتي جدا ملخبط لكن ان شاء الله انوي تكون الرياضة جزء من  حياتي هذي السنه

2- الانتهاء من كتاب جينكي

يا ذا الكتاب اللي صار لي 3 سنوات عليه xDD

طبعا مو 3 سنوات كاملة لاني توقف و كملت كثير

ولما قربت اختمه فتحت #قروب_نيهونقو فرجعت عدته من جديد xDD

بس زي ما يقولون في الاعادة افادة

استفدت من الاعادة مليون مره اكثر من قبل

وان شاء الله هالسنه اخلصه مع بنات قروبي اللطيف

3- اطلاق مشروعي الخاص

قررت يكون لي مشروع خاص فيني بعد ما تركت شغلي لاني اكتشفت اني وحدة ما تحب يكون فوق راسها مديرة

تحب تكون مديرة نفسها ولا احد يتفلسف عليها

بالذات اذا مديرة ما تفهم شي بشغلها وكلامها غير منطقي على الاطلاق

ع العموم بدأت في البداية فقط و مشواري لسى طويل لكن ان شاء الله اقدر اخلصه في خلال هالسنه او اقل بعد

4- انشاء مكتبة خاصة فيني

لما تزوجت و صار عندي بيت خاص فيني اكتشفت انه كتبي كثير

طبعا مو كثير زي ما يجي في بالكلم لكن كثير بالنسبة لي

ابغى قسم خاص بالمانجا و قسم خاص باللغة اليابانية

وقسم خاص بالكتب الثانية و قسم صغيرون خاص بكتب شيوختي

ناوية ان شاء الله اقرا لها قصص من و هي صغيره

ويمكن نعرفها ع المانجا بعد ليش لا

5- الاستيقاظ مبكراً

كا انسانة تحب النوم هذا راح يكون تحدي كبير بالنسبة لي

لكني احتاج اصحى بدري عشان انجز اكثر

قبل كنت اعشق السهر بس الحين العكس سبحان مغير الاحوال

غير اني ما انكر انه الصباح اكثر الاوقات روقان بالنسبة لي

روقان + انجاز ايش ابغى اكثر من كيذا

حالياً هذي اهم الاشياء اللي اهدف لها

سنة مليئة بالانجازات للكل

وكل عام و انتم بخير ~

5 thoughts on “أهداف سنة 1438 (2017)♥

  1. كل عام اونتِ بخير ✨
    للأسف هنا اكثر شي نشتغل بالسنة الميلادية فنادراً احس بالهجرية 💔🗿 ..
    المهم معظم الاهداف دي نفسي اشتغل عليها خصوصاً الاستيقاظ المبكر ، السهر جداً ما يفيد في شي ويلخبط اليوم
    7 minutes workout بالنسبة للرياضة في تطبيقات ظريفة ممكن تجربيها مثل اسمه ما ياخد وقت
    و عموماً بالتوفيق وان شاء الله نخلص الكتاب ونبدت في الثاني وبتركيز ✨

    Liked by 1 person

    1. ديزي مره شكراً لانج دايم تردين علييي
      يو ار ذا بيست T^T♥
      本当に本当にありがとうございます
      و ع التطبيق صحيح كنت ناويه احمله بس نسيته تماما بعدين
      جتني فترة اقول شفايدته بالله 7 دقايق ايش تسوي
      بس لما افكر فيها فعلاً 7 احسن من ولا شي
      so yeah i will try it (•̀ᴗ•́)و ̑̑
      شكراً على تذكيري ~♥

      إعجاب

  2. “!سر العبقرية هو أن تحتفظ بروح الطفولة إلى سن الشيخوخة، ما يعني ألا تفقد حماسك أبدا”
    “فيكتور هيوغو”.
    ما شاء الله عليك *.* كنت متوقعة أن عمرك 18 😁
    حتى لو واجهتي صعوبة .. وحستي الوقت ضيق .. مستحيل توقفي فاهمة ؟؟ 😉
    واو .. وعندك بنت ..علميها القراءة في سنة مبكرة😻 🙉
    وخليها تدخل ع الأدب الياباني بدل المانجا
    مجرد اقتراح 🙈
    على كل .. ابدئي بخطوات هادئة وثابتة وبعدها انطلقي بسرعة
    موفقة 💗

    Liked by 1 person

    1. わあああ〜ユスラちゃん😍✨
      تو ما نورت المدونة 🙈💖
      كثير مايتقعون عمري حتى اذا شافوني 😂😂 شي مو سيء صراحة 🌚
      وماراح اوقف لا تخافين 😍 بأذن الواحد الاحد اهدافي كلها تتحق هذس السنه✨
      على طاري بنت فكرة الادب الياباني مش بطالة بس مو المفروض اثقف نفسي فيه اول؟
      تضيفه لقائمة الاشياء االمليون اللي ابي اسويها 🌚
      شكرا يسرى مره انبسطت بردج و ان شاء الله اكون عند حسن ظنج 😍😍

      إعجاب

  3. أحلى شيء إنك تبدأي السنة الجديدة وإنتي معاكي أهداف صريحة وواضحة وتشتغلي على تحقيقها خلال السنة.
    بالنسبة للحياة الصحية نُقطة ضعفك نفس نُقطة ضعفي بس الحمدُلله نِظام البدائل حِلو XD
    بالنسبة للرياضة ترا بدأت أدخلها في حياتي من 5 دقايق لحد ماصارت ساعة نُص .. أبدأي بـ5دقآيق وكُل يوم رح تلقي فرصة تزيدي بالوقت.
    على فِكرة ترا مدونتك حمستني أتعلم ياباني أكثر ، بدأت بالحروف من فترة.
    2017년에 잘하세요, 저도 그렇게 할게요 🌚💖
    مُتابعة جديدة للمدونة مع إني أعرفها من زمان XD

    Liked by 2 people

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s