حلوياتي من اليابان و عشقي للشوكولاتة بالفروله ~

こんにちは皆さんヾ(＾∇＾)

اليوم بكتب لكم انطباعي و تجربتي مع بعض الحلويات اليابانيه

طبعا بعد ما ذقت الكت كات بالشاي الاخضر تحطمت من ذوق اليابانين بالحلى بس الحين رجعت ثقتي فيهم xDD

(صورة من سنابي لاني نسيت اصور صوره خاصة للموضوع اليوم ¯\_(ツ)_/¯)

على قولة أمي كا أنهم حلويات أطفال بس هم كيذا اليابان كل شي كيوت عندهم ー( ´ ▽ ` )ﾉ

المهم الحلويات طلبتها من وحدة اجنبية قاعدة باليابان لمدة 4 شهور و ترسل حلويات لاي احد يبي

callykarishokka

باقي الحين اقل من شهرين، تتعامل مع بيل بال و كلفني كل شي تقريبا 100 ريال

طبعاً طلبت منها اشياء على ذوقها بدون كحول و مشتقات خنزير و فعلاً سوت مثل ما أبي لكن أخفقت في خيارين

سبحان الله ربي ألهمني قبل لا أكلهم اني أسأل وفاء والحمدلله كانت انسانه مره لطيفه و شيكت لي على مكوناتهم كلهم و قالت لي انهم كلهم أوكي ما عدا هذا و هذا فيهم مشتقات خنزير

طبعا مكانهم وين؟ الزبالة أكيد

~

نجي الحين للطلبات الاساسيه

 Meiji – Apollo Strawberry Chocolate Candy

الطلب الوحيد اللي كان من ذوقي و على اساسه جابت لي كل شي بالفرولة (≧∀≦)

كنت اشوفه كثير فدليل انه مشهور فقلت اجربه و كان حلو

بالذات اللي ع اليسار احس داخله فتات بسكوت غير عن اليمين ساده (العلبة الكبيرة نفسها الصغيره بس فرق الحجم)

3.75/5

M&M’s – Chocolates Caramel Apple Flavour

احس اذا اكلت اكثر من وحده بنفس الوقت كأني ماكله فول سوداني (لكن لذيذ)

بس اذا حبه حبه تبين النكهات الخاصه فيه لكن يظل ام اند امز الاصلي احلى بكثير

3/5

FUJIYA – Baskin Robbins 31 Ice Cream Chocolate Popping Shower & Strawberry

الشي الوحيد اللي ما عجبني مع انه كان مثير للأهتمام

ع الاقل الوردي مقبول (نكهة ايس كريم التوت و الفرولة) ام الاخضر و اللي اسمه شككني بلغتي باليابانية لما قريت اسمه فما عجبني

اسمه “شاور المفرقعات” من اسمه تاكل لقمه تصير طراطيع بفمك ( ´ ▽ ` )

^ هالنوع من الحلويات شكلها موضه الحين 

2/5

Meiji – Takenoko No Sato “Mixed Berry & Milk”

بسكويت مغطى بشوكولاتة الحليب و التوت، فيه ناس بيعجبها و فيه ناس لا

 أنا عن نفسي ما عجبني بس حسيته مقبول غير اني لست من عشاق التوت من الاساس و حبة تذوق تكفيني منه

لكن العلبة كبر كف اليد او اكبر فا فيه كثير مره يبي لي اشاركه مع ناس عشان اخلصه ｘD

2.75/5

Bourbon – Chocolate & Strawberry Biscuit 

بسكويت فيه نوعين شي بالشوكولاتة و شي بالفرولة و صراحه هو اكثر شي عجبني

الكريمة اللي فيه جد جد طعمه و محليه البسكوت معها

4/5

Randoms (lazy to search the names maybe later orz)

هذي احسها من اشياء الاطفال حقت القرقيعان و كيذا كح

الزبده طعمهم حلو بس هم عاديات

اللي ع اليمين شوكولاتة بالفرولة و احلى شي فيها استكر ثانكيو عجبني لصقته ع اللاب ( ´ ▽ ` )

2.5/5

اللي ع اليسار شوكولت بالحليب

3/5

~

بالاخير مبين ان الحلويات كلها طعمها مو وااو

بس فكرة التغير كانت حلوة ولو اني تمنيت انها جابت لي اشياء غير الفرولة لان اتوقع بعدهم ما عاد بشتهي ذي النكهة مره ثانيه لاني تشبعت منها ｘD

ع العموم آراكم في موضوع آخر وفي أمان الله ~