ملخص الأسبوع الأول من #قروب_نيهونقو ❤️

السلام عليكم و رحمة الله و بركاته

اليوم بتكلم عن شي جميل صار لي اثناء تعلم اللغة اليابانية الا وهي #قروب_نيهونقو

البنات هناك جميلات بمعنى الكلمة و متعاونات و يدخلون القلب ❤️

السالفة باختصار اني اني و كرو كنا نبغى ندرس سوا جينكي من البدايه و نحمس بعض

و فكرنا ندخل صديقتها لانها حتى هي تبي تتعلم و بما انه صار قروب قلنا نعلن بتويتر للي تبي تنضم و بيكذا صرنا من ثلاث الى 34 عضوه!

كانت شروطنا انهم يعرفون حروف الكانا و اللغة الانجليزية لاننا راح نستخدم كتاب جينكي و ما بندرس من البداية الا وهي الحروف

هنا قررت أكتب تلخيص لكل شي مهم تكلمنا عنه او سويناه او نزلوه البنات بالنوتز

عشان يكون مرجع لاي احد يبغى يتعلم ياباني بس مو عارف كيف يبدأ + مرجع لنا حنا عشان نرتب افكارنا بالذات انه النوتز بدت تصير كثير و بيصير صعب ينرجع لها بالمستقبل

أول شي بتكلم عن المصادر اللي استخدمناها

1- كتاب جينكي الاول 

(للتحميل)

 وهو الكتاب اللي ندرس منه كل اسبوع وحدة، نبدأ الأحد و نختبر فيه الخميس

طبعا نظام الدراسة اللي نتبعه هو الدراسة الذاتية و اللي عندها استفسار او تبي تتناقش في شي تسأل بالقروب

و كثيرررر كثيررر استفدت من البنات مع اني مخلصه الـ12 وحدة في جينكي بس فعلا النقاش مع القروب يخليج تعرفي اشياء جديد و تنتبهي لاشياء ما كنتي ملقيه لها بال غير انج تعرفين اشياء كنتي فاهمتها او حافظنها غلط و هم صححوها لج ❤️

2- كتاب التمارين لجينكي الاول

(للتحميل)

وهو الكتاب اللي نختبر فيه نفسنا كل خميس و ننزل الأجوبة النموذجية له يوم السبت

* رابط تحميل لكل كتب جينكي مع السي دي هنا

3- MLC Japanese 

هذا اختياري للي عنده وقت و يبي يدرس كانجي، على نصيحة البنات اللي بالقروب انه كنز فا أنا و كم وحده سجلنا فيه

اخترنا خيار (الكانجيات الـ120 الأساسيه)

اذا ضغتوا عليهم راح يلع لكم خيارين الاول يرسل لكم درس كل اسبوع و يكون مدته 3 شهور

أما الثاني فدرس كل ثلاث ايام و مدته شهر و نص (واغلبنا اختار هذا الخيار لكن ما انصح فيه للي توهم ما يعرفون اساسيات اللغة)

طبعا الطريقه تحظون ايميلكم و هو يرسل لكم و اذا جا وقت الدرس الجديد يرسله لكم ومعاه اختبار للدرس اللي قبله

ملاحظة الرسايل تجي ع الجنك!

~

ثاني شي بتكلم عن توصيات البنات و للامانة مو كل شي مجربته بس بحطهم لكم يمكن تستفيدون منها مثل ما البنات استفادوا

بعض الكتب مالقيت لها روابط تحميل بس اول ما الاقي بحطه لكم (اللي يعرف يقول لي)

و ملاحظة مهمه، ترى التوصيات مو مرتبه على حسب الافضل فلا تنسون تشيكون على كل التوصيات و تشوفون اللي يناسبكم لان فيه كثير توصيات حلوه بالاخير

1- Kanji Pict-O-Graphix (Book)

2- The First 103 Kanji (Book)

3- Learning 300 Kanji Through Stories (Book)

4- Barron’s Japanese Grammar (Book)

5- Let’s Learn: Japanese Picture Dictionary (Book)

6- KanjiBox (App)

سبق و تكلمت عنه هنا

7- Japanesepod101 (Site)

8- babadum (Site)

9- erin.ne.jp (Site)

10- Japaneseclass (Site)

ايضا سبق و تكلمت عنه هنا

11- JLPT N5 vocab list (Sheet)

12- مشاهدة القنوات اليابانية (Site)

13- Real Kana (App)

^ شرح صاحبة التوصية

14- موقع لقراءة الاخبار اليابانية مع فوريغانا (Site)

15- Kanji Study (App)

16- Japanese in Depth سلسلة (IBook)

17-imiwa (App)

18- HelloTalk (App) Link 2

سبق و تكلمت عنه هنا

19- Dictionary of basic Japanese grammar (Book)

سبق و تكلمت عنه هنا

20- JED (App)

21- Basic Kanji Book (Book)

22- كتب شهاب الفارس

– هيا نتعلم حروف اليابانية

– اللغة اليابانية للناطقين بالعربية

– اللغة اليابانية للناطقين بالعربية – تدريبا بالقواعد

~

من الأشياء الجميله اللي حطيناها بعد هي سنابات لمبتعثين لليابان او ناس عايشه هناك + بعض العضوات اللي يعطون دروس ❤️

وهنا 2 من عضواتنا

^ وتشي او هوشي عندها مدونة لتعليم اللغة اليابانية للي يبي يشيك عليها فا اضغظ هنا ~

 ~

ونجي الحين للشروحات و الملاحظات اللي كتبناها بالقروب

ملاحظات

– النسخة الاولى من كتاب جينكي حاطين كلمة せんもん

بدل せんこう

الثانيه تستخدم لوصف التخصص الدراسي لكن الاولى معناها اوسع و تستخدم لوصف التخصص الدراسي او مجال العمل

بس لان الاولى قديمه و لان الجيل الجديد صار يستخدم الثانيه اكثر فحولوها بالنسخة الجديده

– كيفية نطق حرف الـ را الياباني

– شرح قواعد الوحده الاولى

– الفرق بين (قا) و (وا)

حطيته في موضوع خاص لأهميته

هنا

– بخصوص التعريف بالنفس

ايش اصح لما اقول ミラがいい

أو ミラでいい

– الوقت باليابان

نستخدم “قوقو” و  “قوزن”

و التي تعني مساءاً و صباحاً على التوالي. بس طبعاً غالباً ما نشوفها بالكانجي و ليس الهيراغانا حيث تكتب كالتالي

شي ثاني مهم وهو انه قوقو و قوزن دايم يجون بالبدايه يعني غلط تقولون 五時午後です

لازم تكون قوقو بالبدايه 午後五時です

شي ثالث الا وهو باليابان تبدأ تقول كونيتشيوا من الساعه 11 صباحاً لان بنظرهم كلمة اوهايو جايه من التبكير و الساعه 11 ما تعتبر مبكره عندهم فمايصير تقول اوهايو بعدها

– الارقام

بعض الارقام في حالات خاصه تصير لها قراءة غير عن قراءتها الاصليه و هنا وحدة من العضوات سوت جدول يوضح التغيرات فيها

– بعض التسهيلات لحفظ بعض الكلامات

مثال كلمة عن أذنك

بخصوص بعض التخصصات في الوحدة الأولى

~

الزبدة انا مت

يالله اني تعبت تعب يومين و انا اكتب و اجمع كل شي مهم انقال

مع اني ما الفت شي من راسي بس برضوا السالفة ما طلعت سهله ｘ＿ｘ

الزبده ترقبوا موضوعي الجاي عن الحلويات اللي جتني من اليابان ان شاء الله ＞ｗ＜）ｂ

في أمان الله ~